Aktibidad sa BSP, GSP, Idinaos sa GRIS!

Balita

Ngayong Buwan ng Oktubre ipinagdiriwang ang Scouting Month. Kaugnay nito, iba't ibang aktibidad ng Girl Scouts of the Philippines (GSP) at Boy Scouts of the Philippines (BSP) ang idinaos sa Greendale Residences Integrated School (GRIS) mula Oktubre 28 hanggang Oktubre 30 taong kasalukuyan.

Flag Retreat Ceremony
Larawang kuha ni G. Antonio A. Novillo, Jr.

Pinangunahan ni Bb. Eurika G. Lim, GSP Coordinator, ang mga gawain para sa GSP. Ilan sa mga naging gawain ay ang Story Telling, Lecture About Womanhood, Patrol Banner Making, Twinkler/Star Cup Cake Decorating, Survival Challenges, Hand Painting, Dinner Preparation, Campfire Presentation by Troop, GSP Gala, Zumba, Obstacle Course, Budol Feast, at Patrol Flag Binding.

BSP Investure Ceremony sa pangunguna ni Scouter Ariel M. Velarde (Wood Badge Holder)
Larawang kuha ni Gng. Carlie C. Balasanos

Samantala, ang BSP naman ay pinangunahan nina G. Antonio A. Novillo, Jr. bilang Senior Scout Coordinator at Gng. Marissa L. Tisado bilang Boy Scouts Coordinator. Ilan sa mga naging aktibidad ay Flag Making Competition and Presentation of Group Yell, Lectures (Brief History of Scouting, The Birth of the BSP, The Scout Uniform, The Scout Ideals), Base Methods (Flag Folding, Bandaging, Trail Signs, Knot Tying), Hand and Whistle Signals, Campfire Activities, Iba't ibang Palaro, Fire Building and Outdoor Cooking, at Boodle Fight.

Scouters sa kanilang Campfire Activities
Larawang kuha ni Gng. Fatima Pierre S. Floretes

Ayon sa mga scouters, marami silang kaalamang natutuhan mula sa iba't ibang aktibidad. Pinakahihintay din nila ang Campfire Activities at Camping na talaga naman kanilang pinaghandaan.

Sa kabilang banda, bukas, Oktubre 31, 2024, ay isasagawa naman ang Pampinid na Palatuntunan ng Araling Panlipunan sa pangunguna nina Bb. Hanne Gay S. Gerez at Gng. Livy P. Pagatpat.

Para sa iba pang artikulo: https://saringsing24.blogspot.com/

Makipag-ugnayan sa amin. Bisitahin ang aming FB Page: https://web.facebook.com/Saringsing24